FJALA E DREJTORIT TE PERGJITHSHEM

Përshëndetje!

Paraprakisht ju falënderoj shumë që gjetët kohë për t’u njohur me Shoqërinë e Sigurimeve Albsig sh.a. Njëherazi ju shpreh mirënjohjen dhe respektin Tim të thellë që më krijuat këtë mundësi komunikimi me Ju.

Shoqëria e Sigurimeve “Alb-Siguracion” sh.a. (shkurt Albsig) ka startuar në tregun shqiptar të sigurimeve në Shtator 2004 dhe tashmë në vitin e katërt të aktivitetit, prezantohet si subjekt i konsoliduar dhe solid, i fuqishëm dhe efi?ent në veprim, i denjë për t’u respektuar.

Albsig vepron në të gjithë territorin e Shqipërisë dhe që nga muaji Prill 2007 strukturat e Albsig veprojnë edhe në shtetin fqinj të Maqedonisë, fakt ky mjaft domethënës dhe ndoshta rast unikal, ku një subjekt që ende nuk ka mbushur 3 vjet nga ditëlindja e tij, realizon opsionin e shtrirjes rajonale.

Në strukturat e Albsig kontribuojnë mbi 180 punonjës organikë (prej të cilëve mbi 70 punonjës në Maqedoni), sikundër dhe një numër i konsiderueshëm personash të tjerë janë integruar si agjentë në rrjetin e shitjes.

Nga viti në vit, dinamika e aktivitetit të Albsig njeh vetëm rritje, fakt i cili më së miri reflektohet në pozicionimin në treg të Albsig, konkretisht:

• në Shqipëri nga 5.3 % në fundvitin 2004, në rreth 9 % me 31 .03.2008;
• në Maqedoni, fundviti i parë i aktivitetit e rendit Albsig në vendin e katërt në treg, me rreth 8.8 %.

Aktualisht Albsig posedon një Kapital prej rreth Eur 4 750 mijë (Eur 750 mijë në Maqedoni) dhe rreth Eur 3 000 mijë rezerva teknike (rreth Eur 1 400 mijë në Maqedoni), potenciale këto që, sëbashku me mbështetjen e kompanive prestigjioze, të tilla si: Hannover Re, Munich Re, Lloyd’s dhe Coris, mundësojnë mbulimin e risqeve potenciale dhe përbejnë garanci permanente përreth 50 mijë klientë me të cilët operojmë dhe për mijëra e mijëra të tjerë te mirëpritur për bashkëpunim.

Arritjet e deritanishme janë rrjedhojë e vlerësimit serioz dhe e suportit në rritje të aksionerëve të shoqërisë, janë fryt i përkushtimit të stafit dhe punonjësve në të gjitha strukturat vepruese, sikundër dhe e besimit në rritje të klientëve, ndaj, personalisht përulem me respekt të thellë dhe njëherazi ju shpreh mirënjohje të pakufishme aktorëve të mësipërm që me durim e dashuri krijuan, promovuan dhe lartësuan veprën me emrin Albsig.

Të nderuar!

Shoqëria e Sigurimeve Albsig, ndonëse e re, ka një të kaluar të pasur dhe mbi të gjitha një te ardhme të madhe dhe dinjitoze. Në këtë këndvështrim ju ftoj që të jeni pjesë e familjes sonë.

Me gamën e produkteve që ofrojmë, ju Mbroni të Tashmen dhe Siguroni të Ardhmen Tuaj, mbroni dhe garantoni pasurinë dhe bizneset që dispononi nga ngjarje të trishtueshme, prej të cilave asnjeri nuk është i imunizuar.

Për cilindo, filozofia jonë e veprimit mbetet ofrimi i të gjitha shërbimeve për një jetë të qetë dhe me komoditetin e ëndërruar. Në ?do moment e rrethanë, partneri juaj ALBSIG ju garanton: Jetë pa strese… vetëm buzëqeshje!

Për hollësi të mëtejshme, ju lutem klikoni në rubrikat që ju interesojnë!

Juaji sinqerisht

Gëzim HUQI

Drejtor i Përgjithshëm