ОСИГУРУВАЊЕ НА ОБЈЕКТИ ВО ГРАДБА
Предмет на осигрување
Овој вид на осигурување се однесува на:
- градежни објекти во градба и градежна опрема,
- одговорност на изведувачот на градежните работи и
- договорена одговорност на изведувачот на работите во гарантен рок
Осигурително покритие
Оваа полиса нуди покритие за:
- станбени објекти во градба, новоградби, реконструкции, доградби, надградби(летни кујни, огради, гаражи и сл.) и сите инсталации кои се составен дел на градежниот објект.
- градежен, занаетчиски, инсталационен материјал и опрема која е наменета исклучиво за вградување во станбениот објект во градба и која е вкалкулирана во нејзината пресметковна вредност.
- трошоци за расчистување и уривање при штетен настан,но најмногу до 3% од вредноста на осигурениот станбен објект.
- трошоци за тех.документација потребна за отстранување на штета при штетен настан но најмногу до 1% од вредноста на осигурениот станбен објект.
- веќе постоечкиот објект на кој се врши реконструкција, доградба или надградба со плаќање дополнителна премија.Премиската стапка изнесува 50% од онаа за новоградба, а сума на осигурување претставува нова вредност на постоечкиот објект на денот на склучување на осигурувањето
Осигурени ризици
Основни: пожар и удар од гром, експлозија, луња, град, манифестација и демонстрација, излевање на вода, мраз, лед и снег, снежна лавина, слегнување на тло, градежна незгода, неспретност, невнимание или лоша намера на работникот и:
Дополнителни ризици: поплава, порој, висока вода и подземна вода, лизгање на тло, одронување на земјишта, зарушување на земјиште, одговорност на изведувачот кон трети лица, осигурување на градежни работи во гарантен рок и провална кражба(само доколку градилиштето е обезбедено со ограда над 2 метра и чувар 24 часа).
Одговорност на изведувачот на градежните работи како дополнителен ризик е влезена во функционалната премија во Табелата 7 до износ од 1.000 Евра од штетен настан причинети на трети лица или нивниот имот. За склучување на поголема сума на осигурување од 1.000 Евра , премиските стапки по табела 7 се зголемуваат со фактор на зголемување дадени во Табелата. Пример: Одговорност од 2.000 Евра - факторот на зголемување е 1.5 %.За поголеми суми од 5.000 Евра по осигурен случај факторот за зголемување го одредува Генерална дирекција.
|
