PRIORITETET

• Forcimi ne vazhdimësi i imazhit te Shoqërisë, veprimi si subjekt solid dhe i besueshëm. Ne këtë kontekst, gjatë 5 viteve te para te aktivitetit, rritja prej jo me pak se 2 % ne vit e prezencës ne tregun shqiptar te sigurimeve, mbetet alternative e fuqishme për veprim;
• Krijimi i një sistemi shërbimi eficent, cilësor dhe te ndjeshëm për klientët, nëpërmjet ndryshimeve permanente dhe thelbësore ne kulturën profesionale dhe ne skemat e administrimit;
• Rritja e potencialeve te Shoqërisë; krijimi dhe forcimi i portofolit te rezervave teknike, si domosdoshmëri e gamës ne rritje te produkteve qe do te hidhen ne treg;
• Përmirësimi i infrastrukturës ne drejtimet primare te aktivitetit; prioritar kalimi gradual drejt një sistemi te integruar informatik;
• Garantimi i një ekuilibri sa me optimal ndërmjet produkteve te sigurimit te detyrueshëm dhe atyre vullnetare, me tendence qe te ardhurat nga linjat vullnetare te sigurimit, përgjatë vitit te dyte e ne vazhdim, te perbejne drejtimin determinant te politikave te biznesit;
• Ngritja dhe stabilizimi i sistemit te shitjes se produkteve, identifikimi dhe forcimi i institucionit te agjentit, veçanërisht ne kushtet e zgjerimit te gamës se shërbimeve dhe kryesisht për linjën e produkteve vullnetare. Stimulimi ne rritje i sistemit te agjenteve nëpërmjet promovimit te formave nxitëse financiare ne shitjen e produkteve;
• Thellimi i procesit te rajonizimit te strukturave dhe përsosja me tej e sistemit te drejtimit nëpërmjet thjeshtimit dhe/ose ndryshimeve eventuale te organigramës. Thithja e kuadrove profesioniste e me emër ne fushat respektive, duke synuar përgatitjen e një stafi sa me kompetent e me përvojë komplekse dhe shumëplanëshe ne fushën e sigurimeve;
• Rritja e eficences dhe përsosja e linjave ekzistuese te biznesit dhe paralelisht e nëpërmjet veprimeve operativo-dinamike përgatitja e terrenit te përshtatshëm për kalimin gradual edhe ne linja te tjera te trajtimit te produkteve;
• Rritja e efektivitetit te përdorimit te aseteve, përmirësimi i strukturës se portofolit te investimeve, duke i dhënë përparësi diversifikimit te portofolit dhe minimizimit te riskut te investimit;
• Zgjerimi i hartës territoriale te shtrirjes, me tendenca te qarta për trokitje dhe veprim te suksesshëm ne tregun rajonal te sigurimeve. Pas Maqedonisë, prioritare Mali i Zi dhe Kosova;
• Kompletimi i portofolit te sigurimit te Jo-Jetës ( hedhja ne treg e produkteve te klasës 14 “Sigurimi i Kreditit” dhe klasës 16 “Humbjeve te ndryshme financiare”;
• Licencimi për veprimtari ne fushën e Sigurimit te Jetës ( Shqipëri, Maqedoni përgjatë viteve 2008-2009 dhe ne Mal te Zi e Kosove pas vitit 2010 );
• Licencimi për veprimtari Risigurimi.

  Konkretizimi i objektivave te mësipërme dikton investime jo te pakta, ndaj synohet partneritet me subjekte te fuqishëm ne linjat siguruese dhe/ose ne veprimtaritë financiare.

AVANTAZHET

• Përkushtimi i stafit;
• Shërbimi non-stop dhe cilësor ndaj klientëve ( pagesat e dëmeve dhe marrja ne sigurim );
• Kapacitetet dhe potencialet ne rritje te tregut (si rezultat i rritjes se kulturës ne fushën e sigurimeve dhe i forcimit te tendencave për zgjerimin e gamës se produkteve te detyruara);
• Struktura organike tërësisht efektive dhe politikat e avancuara dhe optimale te shitjes e te marketingut;
• Respektimi i kuadrit ligjor dhe i standardeve te përcaktuara nga legjislacioni dhe organet përkatëse;
• Përvoja e një biznesi te suksesshëm ne tregun rajonal, ku roli i disa prej drejtueseve ka qene përcaktues;
• Pretendimet për bashkëpunim me partnere serioze ndërkombëtare te industrisë se sigurimeve.
  Produktet qe ofrohen janë cilësore dhe realisht te harmonizuara me nevojat e konsumatoreve dhe veçoritë e tregut te sigurimeve.