SIGURIMI I KULTURAVE BUJQËSORE
NË FUSHË TË HAPUR DHE SERË SIGURIMI I VETË SERËS

NË FUSHË TË HAPUR

MBULIMI

Albsig ofron mbulimin e dëmeve në kulturat bujqësore, nga rreziku bazë breshëri, si dhe rreziqet e tjera shtesë si:

• Stuhi
• Shtrëngatë
• Përmbytje.

Me kulture bujqësore në kuptimin e këtij sigurimi nënkuptojmë të gjitha kulturat bujqësore dhe/ose bimët, kulturat dru frutore, agrumet, ulliri dhe vreshtat e mbjella në fushë të hapur.

Sipërfaqja më e vogël e mbjellë me të njëjtën kulture bujqësore nuk mund të jetë më pak se 2 dynym (2,000m²).

Sigurimi nga Breshëri mbulon humbjet dhe dëmet sasiore të bimës kryesore (të mbjellave bazë), në rastet e të mbjellave të bashkëshoqëruara.

DOKUMENTAT NË RAST DËMI

• Njoftimi i menjëhershëm me shkrim për dëmin e pësuar, rrezikun që e shkaktoi dhe shkallen e tij;
• Dokumentacioni i kërkuar nga Siguruesi për trajtimin e demit
• Kërkesa me shkrim për dëmshpërblim, ku veç të tjerave të përshkruajë ngjarjen e sigurimit (dëmin e pësuar nga një rrezik i mbuluar) dhe shumën e dëmshpërblimit të kërkuar.

SIGURIMI I BIMËVE TË MBJELLA NË SERË DHE VETË SERËS

Alëbsig ofron mbulimin e dëmeve të objektit të siguruar (Serës dhe Bimës) nga Breshëri dhe Rreziqet Shtesë. Objekte sigurimi janë të gjitha kulturat bujqësore ose bimët e mbjella në sera me çati (jo më pak se dy kulmore) si dhe vetë objekti i serës.

Me Serë do të kuptojmë të gjithë objektin e Serës me mbulesë Plastmasi, PVC të fortë ose Xham dhe sistem mbajtje Dru, Beton ose Metalik duke përfshirë të gjitha impiantet dhe sistemet e instaluara në të, si ai i ujitjes, ngrohjes, ventilimit, mbrojtjes së bimëve, etj.

Rreziqet shtesë janë: Dëbora, Stuhia, Shtrëngata, Tërmeti.

DOKUMENTAT NË RAST DËMI

• Njoftimi i menjëhershëm me shkrim për dëmin e pësuar, rrezikun që e shkaktoi dhe shkallen e tij;
• Dokumentacioni i kërkuar nga Siguruesi për trajtimin e demit;
• Kërkesa me shkrim për dëmshpërblim, ku veç të tjerave të përshkruajë ngjarjen e sigurimit (dëmin e pësuar nga një rrezik i mbuluar) dhe shumën e dëmshpërblimit të kërkuar.